Lalaban Ako..

ni: Mark Anthony M. Reyes

Siraan man ako ng iba

Di pa rin, papipigil

Awayin man ako ng iba

Di pa rin, paaawat.

Magtiwala sa iyong sarili

 At tandaan ikaw ay may tapang

O di kaya’y ikaw ay may lakas

At malaman niyo, ako’y palaban.

Chorus

Lalaban ako

Di ako, di ako patatalo

Pagkat tiyak kong ako’y may lakas

Lalaban ako

Abutin aking pangarap, nang walang hadlang

Walang hadlang

Minsan madarama ko ang mga inggit na tao’y

Nanggugulo sa iyong buhay

At ikaw ay hinihila, pababa’t paurong

Magtiwala sa iyong sarili

 At tandaan ikaw ay may tapang

O di kaya’y ikaw ay may lakas

At malaman niyo, ako’y palaban.

 ( Repeat Chorus )

Bridge:

Huwag ninyong agawin

Aking pangarap

Lagi niyong isipin, ako’y lalaban

Lalaban ako ohhhh…

Lalaban ako….

 ( Repeat Chorus )

Tagumpay ko ito

Tagumpay ko ito

Lalaban Ako, lalaban ako, lalaban ako

Para sa tagumpay

Bagong Taon, Bagong Pagasa

 
      Sa ulo ng mga nagbabagang balita : Bagyong Sendong nanalasa at hinagupit ang Mindanao, ilang mga probinsya nagmistulang ilog, Daang- daang buhay inagaw at libu-libong mga ari-arian nasayang, Ilang mga naapektuhan na probinsya paano kaya makakabangon?

         Iyan ang lagi nating naririnig sa mga radyo, napapanuod sa mga telebisyon, at nababasa sa mga pahayagan. Maramdaman pa kaya ng mga nabiktima ng masalimuot na kapalaran ang Bagong Pagasa, ang Bagong Buhay, ang Bagong Pagbangon, at ang Bagong taon? Isa na namang taon ang nalagas, sapagkat ang panibagong masiglang taon ay nagbabadya na! Ngunit para sa mga taong nahaharap sa panibagong dagok, kung saan ang Bagyong Sendong ay umagaw ng mga maraming buhay sa isang sulyap lamang at ito'y walang pinili bata man o matanda; kaya't ito na ata ang pinakamalungkot na bagong taon na kanilang mararanasan at makakamtan. Wala naman tayong masisi sapagkat ito ay ganti ng ating Inang kalikasan sa mga pagpapabaya dito. 

         Resulta nito ay mistulang mabura na sa mapa ang mga bayang nalubog sa napakataas at nakagugulat na baha. Ngunit sa bawat pagsubok at dagok na nararanasan na riyan ang mga kapwa nating may mabuting puso na lagi handang tumulong sa mga naging biktima. Ika nga ang tunay na diwa ng pasko ay ang pagbibigayan at pagtulong sa mga nangangailangan. Ano pa man ang mga suliranin at problemang dumating sa ating mga Pilipino na riyan pa rin tayo hinaharap ito ng may ngiti sa puso. Kaya ang pagtutulungan sa gitna ng suliranin ay napakahalagang sandata upang maibangon ang bagong buhay.  Basta ang pinakamahalaga ay ang pananampalataya sa ating Dakilang lumikha. Kaya ano man ang mangyari salubungin ang Bagong Taon ng may Bagong Pagasa.